|
Dé d'dans l'musc dé pavé, l'archéologiste hale, mouôle et pis teurt, des tés laîssis tchaie par des rouais, des chefs, des pharaons, des pièches împéthiales. Des rouoyaumes souos les pièrres, l'histouaithe tchi dispathaît, la chaîne d'èrmuage des prînces, êcaloppés pis hors, les p'tits soudards tch'y craîssent; n'y'a rein à compati. Un règne dé vaque rens'lée, l'autorité à tort, les grôsses têtes êcônées... ch'est tout passecrit. Y'a-t-i' eune couronne dé contchête tchi restétha en pliaiche sans v'nîn camprie, pèrdue souos tchique pouôrre picachon? Lé pouver à l'excès s'en va et n'laîsse pon d'traiche dé trêsôrièrs au trêfl'ye, dé ducs ni d'pharaons. J'sommes libéthés achteu d'chu joug împéthia; dêmuchons-en l'trêsor dé d'dans la crotte dé j'va. Geraint Jennings |
(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)
Viyiz étout: