|
Quand ma pinne raide prend l'Nord pouor l'Sud, j'seurvai t'n Êst dé ioù qué l'solé s'lève à l'assinne. Quand j'paûque ma baïonnette, j'sis tout au Vouêt, j'm'enhèrmèle à mèrvelle coumme la mâle vinne. Dêmêle-mé d'chu hâsi, d'ches enhalaûdes, hale dé sus ma tête chu chapé d'quat' sou. Soûffl'ye-mé raide - à touos l's ars d'tan vent j'expliôde. Salue la couleu d'cat tralé au cliou au haut d'man mât militaithe. J'fais du drîn dans ta pièche d'armes, ta puthe pathade d'ordgi. J'sis mâté à l'attention; man soudrîn t'assiège atout d's alanchies et du d'si. Avanche sus mé dêliêment; prend l'au-d'ssus. J'sis tout au Vouêt; ma pinne prend l'Nord pouor l'Sud. Geraint Jennings |
(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)
Viyiz étout: