Les Pages Jèrriaises

Dêfripe la patache, dêfrâlîngue lé fo

Dêfripe la patache, dêfrâlîngue lé fo,
héle lé tchînze-côtes, qu'i' tithe la mitrailleûthe.
La purgéthie d'peûles nos tchèrra sus l'co;
les niaûmîns lus frip'thont; les frâses sont meûthes;
les ânes et l's ânionneurs jouent des dgéthets;
la baûm'thie d'pids rînme auve la paûm'thie d'faches.
Èrgarde lé gal-bouôn temps mal gabouothé!
Lé fripon f'tha la carre à la patache.
I' mithe sén arme amouothâtchie d'eune ièrre.
San tchoeu est êtrilyi en chiques et fripes.
Rabil'ye ch't amour dé flianfliues et ordgièrs.
Nou r'graietha chutte fôlyie... Vîngt-chîn mille pipes!
Dêliêment pouor la quarante-traîsième fais,
vai-tu, ma patache, jé t'dêfrâlîngu'thai.

Geraint Jennings

 

 

(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)

 

Viyiz étout:

 

Les Pages Jèrriaises