|
Lé quarante-huitchième paîsson hors l'ieau joue au bibi jusqu'au son d'la treizième heuthe. En Lithuanie, en Polongne, et tout l'tou, nou-s'espéthe, véthe-dgia, qu'la dreine mouothue meuthe, ôccsie et êbrétchie au bord d'la mé. Assis dans des grandes tchaîses sus l'caud sablion, nou r'garde les maquéthieaux mouothants à jouer. Dans l'confort d'lus pièches dé meubl'ye, i' vèrront les milles sardinnes suffotchies tch'y vrénotent, enlachies dans les lîngnes d'la gamme, nouachies dans des noeuds d'bôlinne, happées dans des p'lotes dé fi: Eune meule dé morts s'êbrèque ès pids d'ches chap'ronneurs auve mains d'tchoeu qu'eune futhette. Les vies d'paîssons pouor ieux sèrvent raîque dé jouettes. Geraint Jennings |
(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)
Viyiz étout: