|
Des bêtes à êcale, d'aut' bêtes sans héthèque, font correctément lus drîn souos la mé. La hanse et l'râté à lanchon êbrèquent lus êcales tchi n'pouôrront pon malonner. Quand l's hîtres êplieunmées et l's êqu'sîns d'baînis lus êtrueûlent sus l'sablion, l'tou d'la mâtope, sus l'tchai, piéthes qué les clius du temps jadis, qu'des triliaches dé v'lous cotti, qué d'la viope, ch'est qu'la hâth'thie souosmathinne prend du vo. Tout moulinne. Tchi coton! Les bêtes sont mortes; lus êcales sont duthes, mais lus corps sont mos. La pêque à hanse, râté et cro ennouorte la chèrvette f'lée et l'vlicot futhieux. Nou pouôrrait en faithe mus, s'lon l'êpliutcheux. Geraint Jennings
|
(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)
Viyiz étout: