|
La Martchise dans l'melgreu, l'Martchis ès mielles èrgardent Lé Pinnacl'ye, êpinnoquent la plyie, quandi qu'tout l'tou eune glianne dé jannes hardelles pithouettent en projection sans traîn'nie d'pids. L'assenteu d'cinnéraire feunque à l'assinne; lé seigneu et sa danme dansent sus l'sablion, attîntés d'vèrt fa et d'bliue palotinne, caûchis ès bliouques d'argent et pieaux d'lanchon. L'ieau d'plyie rafraîchit les faches ès dans'rêsses: n'y'a pon d'èrfrédeuses d'Êté, ni d'tavîn. Lus gambes, alliantes comme les longues fielles tch'y craîssent à couoyer l'allégresse d'lus êvrédîn. La Martchise èrnâque. La danse traîngnole où'est qu'- -les pèrrons gliannés touônnent en pîn'tchébèque. Geraint Jennings
|
(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)
Viyiz étout: