Les Pages Jèrriaises

Achteu l'même marchi ronne et tchéthiole

Achteu l'même marchi ronne et tchéthiole:
des boêtées d'aubèrginnes, des cannes tch'êclyichent,
des poutchies d'patates, des tchoeurs dans des bolles
tchi facilitent la litte des frits. J'm'en fiche.
Nou dêpaûte sa bourse pouor acater d'tchi.
Y'a-t-i' assez pouor l'affaûrder? Nânnîn,
y'a trop dé d'licatesses et niv'lot'ties
tchi tent'taient l's anges des cieux. Du r'tas, d's êclyîns
pouor dêcouothagi les pratiques en tout.
Tchi qu'est l'chein tch'a câfré eune aubèrginne?
I' sont au prix d'or, pouor nos mett' souos l'fou.
Tchi qu'a souêbi eune patate? Si jé d'vinne,
jé l'gaff'thai par lé collet, mais achteu
lé marchi tchéthiole en bouôn ronneux.

Geraint Jennings

 

(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)

 

Viyiz étout:

 

Les Pages Jèrriaises