Les Pages Jèrriaises

Maûgré l'mêle à blianche gorge tchi sûffliait quas

Maûgré l'mêle à blianche gorge tchi sûffliait quas,
maûgré la prostituée d'l'Afrique du Sud
tchi tréhotait fort du multimédia,
j'nos trînmoussînmes pouor dêfiler du tru.
Eune scie êlectrique n'éthait pon copé
court nos d'vis entouor d's ouaîthieaux et guénipes.
D'cliapées d'cŷngnes et souôl'vées, j'têmes envâsés;
les êteurcélets dgêpaient en êtchipes,
et les souiches lus pathannaient dans lus siette.
Un r'gîstre d'autruches s'poulîndgait dans la bliâse;
dé mouossons et d'pies mathannes n'y'avait miette.
J'fliaûnêmes not' temps à scier en deux des frâses.
Tchi patruflyîn d'chèrchérêsse et d'ouaîthé!
Tchi tru d'mêle à blianche gorge et d'prostituée!

Geraint Jennings

 

(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)

 

Viyiz étout:

 

Les Pages Jèrriaises