Les Pages Jèrriaises

L'emportément du j'vaûcheux r'prend ses sens

L'emportément du j'vaûcheux r'prend ses sens;
sa râtion d'mârrisson dgette sa mathée,
et l'j'val entchi est mantchi par l'pouongnant.
Des louêmes dêfrâlîndgies et dêpliantées

chuchotent en blianches tentes, courtes braies d'scout'tie,
à satchi un radgîn dé r'sîn au ras
du janne j'vaûcheux tchi s'envitonne d'ordgi.
Qu'il apprenge à r'prendre les huthes d'auve les flias

en galopant. San j'va pédagogique
trottinne envitonnêment et dêpaute
des pièches d'êtchu et tchiques fielles dé soucique.
Létché des deux saluer? Sait iun sait l'aut'.

Geraint Jennings

 

(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)

 

Viyiz étout:

 

Les Pages Jèrriaises