|
Mouôle-té dans man liet meublié et membru, abrie-té du boulais d'ma biéthe en bro, èrtrouve tan drouait au dun d'un liet mêprîns, couoche-té au lis d'eune couvèrtuthe camprie. Dans man liet meublié et membru, mouôle-té en bengône ou bein en c'mînse dé molleton; dans la liqu'sie des louêmes d'eune mé montée, chu mat'nas nos s'sa eune Mé du Mitan. Mouôle-té, membrue et meubliée, dans man liet où'est qu'ma mêprînse nos mèn'na au miyeu; veins m'embraichi au mitan d'membres mêlés, et v'là tchi meut d'man miyeu à t'mouoilli. Geraint Jennings |
Viyiz étout: