|
Les canons poudrinnent. L'Êté expliôsi espéthe eune batâle dé pâqu'thole et m'thoûque. Les batt'ties sont plionmées d'pipots, chèrgies plieines jusqu'à la heune d'papillotes et moûques à longs pids. Où'est qu'la blianche êpîngne soûffl'ye hors les g'zettes et fourchettes d'attaques en méta, lé navithe du preunmié rang course et couort cajelinnement d'louême en louême sus du lîlas. Envyons l'ennemîn au tchu au tchian, qu'i' r'trousse quémîn! Endgeulons-lé d'cats et d'coutchieaux! Les chent-dgiêx mat'lots - du baûsouaîn au mousse - paquent pliomb et poudre. La fliotte à flieurs, a-t-alle heuné l'expliôsion d'chutte chent-dgiêxième balle?
|
|
Les cantons poudrinnent. L'êtèrrage expliôsi espéthe un bathi-bathette dé paragraphes et mulets. Les baûtchets sont plionmées d'pique-piques, chèrgies plieines jusqu'à la heûse dé paqu'thies et moussetots. Où'est qu'lé bliatchîn soûffl'ye hors les hachemans et fourtchets d'att'leûthes en mett'rêsses, lé nêle course et couort cajelinnement d'louogeais en louogeais sus du lîncrîn. Envyons l'enseingne au tchuîsinnyi au tchichet, qu'ou r'trousse lé quétot! Endgeulons-la d'catécos et d'couvre-moueux! Les chent-dgiêx mathes - du bayayas à la moutarde - paquent d'la pliuque et des pouettes. La fluide à flipe, a-t-alle heuné l'expropriâtion d'chutte chent-dgiêxième bambocheux? Geraint Jennings
|
N+10: Dans chutte pièche, châque pathole tch'est un nom (N) a 'té rempliaichie par un aut' dgiêx entrées pus bas (+10) dans l'dictionnaithe:
Viyiz étout: