|
N'ai pon d'peux d'êmânues: jé t'chante lô-lô. Ches dragons dêmachonnés n'ont pon d'fliambes. Né t'êbranle d'aut'; j'sis ichîn. N'y'a pon d'cros tchi t'gaff'thont. L'ouéthou est happé, ses gambes enhalaûdées; i' n's'sa pon dêmus'lé. N'y'a pon d'pons'rêsse achteu: tu pense mitaine. êcoute ches belles séthaines tch'êcliaquent au jet dg'ieau. Raîque eune reinchette ès faîtelles Îndgiennes, tch'enchorchèlent en Gudgiarati sans forche à ces sé. S'i' y'a ieu du caca à ches drein, né t'gêne pon d'ches grîns d'vioge tch'êcorchent, d's aheurts, des veilles hou-hous plieines dé hahas... Endors-té; les monstres bîndent lé tou du liet mais r'pôse-té dans ta rêv'thie vîsionnée. Geraint Jennings |
(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)
Viyiz étout: