Les Pages Jèrriaises

La vie est un c'mîn galoté, mouoilli

La vie est un c'mîn galoté, mouoilli
ofûche, pièrreux et bein raide par bordée.
J'arriv'thons touos nous au but, ch'est prédit,
et d'même jé m'suth'thons toutes nos engambées.
La préfache du viage, êcrite ès galots,
raconte eune marche des Tchennevais au Pinnacl'ye,
un but du Gardîn d'Olivet au Ho.
Lé c'mîn s'est rêpaîssi d'baînis, d'bênacl'yes
et d'êcales d'hîtres. Nou r'vise eune chiffonniéthe;
nou-s'apprend d'tchi nouvé atout châque pas
avaû les p'tites sentes, avaû les tchithiéthes.
Si lé c'mîn finnit en du r'pos, du r'tas,
lé pâssage - galoté, mouoilli, pièrreux -
nos mèn'na ofûche en enfé, ès cieux.

Geraint Jennings

 

(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)

 

Viyiz étout:

 

Les Pages Jèrriaises