Les Pages Jèrriaises

En èrèrgardant dans l'mitheux d'driéthe

En èrèrgardant dans l'mitheux d'driéthe,
ch'est d'contrébalanchi l'temps nobl'ye d'achteu
d'auve un pâssé d'la pièrcheûs'sie, ou piéthe;
donner du faix ès jours et mais qu'j'ai veu

avaû l's années - un rué tchi couort tréjous
à agenceté et entrégent; lé s'na
d'agi productivement d'vièrs l'adgève-tout.
Des papillotes dé né r'picotent man fa;

ma c'mînse r'est blianchie par lé bond tch'y r'tchait.
L'empliaichement abantchi d'né r'gèle l'av'nîn.
Si j'drisse et r'pèrds ma balanche des douze mais
en souôb'sant l's années driéthe chu hathîn

d'mémouaithes et b'sées, j'vai dans l'mitheux l'baîsi
d'la cheinne dé tchi j'aime tréjous l'èrmueûthie.

Geraint Jennings
 

(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)

 

Viyiz étout:

 

Les Pages Jèrriaises