Les Pages Jèrriaises

Lé corps mort et l'co d'rotchi en Aur'gny

Lé corps mort et l'co d'rotchi en Aur'gny,
la radob'thie d'caûminnes ruinnées en Sèr,
l'assenteu d'p'pèrmène, l'êcrouôlement du d'si:
j'm'y faichonnis. Ch'est raîque un tas d'ordgièrs.
Tchi mé (coumme nou dit en Aur'gnais) j'ai seu
qu'les paîssons et les bâtisses né valent rein.
Nou-s'est madré s'nou r'connaît qu'ch'est d'la breue
tchi fliotte dans les pliés du chèrvé hautain
à l'ancre. Nou-s'a l'laîsi d'înmaginner
l'hâsi d's îles et êtchés: nou fait d'un co
d'rotchi d'la brélue, du corps mort la mé
d'la menthe - des affits coumme en Êcrého -
châque idée eune greune dans l'chèrvé tch'êdgéthe
les cartchaîthons envyées d'parmafévéthes.

Geraint Jennings

 

(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)

 

Viyiz étout:

 

Les Pages Jèrriaises