Les Pages Jèrriaises

La chue et les pinnes dé boeu craîssent au mains

La chue et les pinnes dé boeu craîssent au mains
pus hautes qu'la sèrcl'ye dans l'pathage dé man tchoeu.
J'èrutilise lé pathîn d'ville et chein
tchi m'fait tchulbute ch'est l'musc et la mucreu.
Les brantchettes pathées m'pèrchent quandi qu'lé temps
s'êpathe. Lé pas-d'âne et la pèrche-pièrre craîssent,
en d'pit du sèrclieux, pus hauts qu'l'hèrbe à sang,
qu'lé graslard. Les pliantes lus freûlent ouaithe qu'i' n'piêssent
pon lus bailli eune paffe. Quand la vèrte-glinne
m'attriste, la chue m'êgalue, et l'graslard
m'êtchoeuthe acouo bein pus qu'un baûtchet d'pinnes
dé boeu. Ch'est la pèrche-pièrre tchi m'bâle des dards;
man tchoeu pitchi par d's êpîles à chorchièrs.
La sèrcl'ye empouaîsonne, tch'a liu l'Grand Albèrt.

Geraint Jennings

 

 

(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)

 

Viyiz étout:

 

Les Pages Jèrriaises