Les Pages Jèrriaises

La cotte à couochons pitèle dans la plyie

La cotte à couochons pitèle dans la plyie.
Des radiches rempl'yent mén înmaginnâtion.
L'aûgyi est distînctément êcliaithi
dans chu bel au ras d'la cotte à couochons.
Les p'tits gronneurs êcappent et sont liêsibl'yes
dans l's înscriptions gravées dans ches muthâles.
La fôlyie des vêtus d'saie dans la Bibl'ye
a pitchi bas les bêtes: i' honnent et houâlent.
Ch'est tout r'lati: les couochons dans lus cotte,
eune belle rouelle dé boeu à rôti dans l'fou -
la vive peindrie des pilièrs et d'la votte,
les quétots stchulptés distînctément l'tou
d'la boulangu'thie: ch'est toute eune fouânnée d'art.
J'sommes êcliaithis dans la r'naîssance du lard.

Geraint Jennings

 

(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)  

Viyiz étout:

 

Les Pages Jèrriaises