Les Pages Jèrriaises

Lé cope-bouton sus l'myrtre pique des înjuthes

Lé cope-bouton sus l'myrtre pique des înjuthes
au chef dé police (liain d'êt' un sîmpliot).
La râtionn'nie d'înjuthes n'est dgéthe si puthe
qu'eune nièrchéthie en d'vis et neunméthos.
L'offici est excédé des cartchuls
du tinné tchi s'pâsse èrgrettabliément.
Nou-s'est à êtudgi l'cope-bouton sus l'-
-myrtre; i' r'sembl'ye à un vyi tchi s'grînche les dents
en piaillant d's înjuthes ès autorités.
Y'a d'la granmaithe jutchie sus les brantchettes.
Nou compte les gros mots d'l'ouaîsé sus ses dés;
nou multiplyie les lichons. Tchi cliavette!
N'faut pon hérandgi trop l'chef dé police,
ni l'traiter coumme dé raison d'touos les vices.

Geraint Jennings

 

(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)

 

Viyiz étout:

 

Les Pages Jèrriaises