Les Pages Jèrriaises

Lé bord au large, nou prendra l'mors ès dents

Lé bord au large, nou prendra l'mors ès dents.
La caûff'thie du pid-d'ouaîthé sans cêssi
enfliâme des brîns d'pièrre picliés dans du tan.
Lé côté d'la femme mordra et, pliaichi
au lis du vent, y'a un lieu d'întéthêt
spéciale auve ses vottes, arches, et preunmié pièrre.
L'architectuthe du ouaîthé a du lêt;
des paîssons à plieunmes nouent l'tou des pilièrs.
N'y'a ni médgian ni chèrfe tchi prendra l'mors
ès dents. Nou picliétha lé pièrre tout coumme.
Lé pid-d'ouaîthé s'sa renvèrtchi ho'-l'bord
et îtha avaû-l'ieau du côté d'l'houmme.
Sans cêssi d'aut' la caûff'thie d'femmes souos l'vent,
nou prendra, l'bord au large, lé mors ès dents.

Geraint Jennings

 

(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)

 

Viyiz étout:

 

Les Pages Jèrriaises