Les Pages Jèrriaises

Lé pêtcheux, pitchi d'honneu, dêmissionne

Lé pêtcheux, pitchi d'honneu, dêmissionne,
tchéthiant san viage dans la Baie d'Saint Brélade.
Lé trente-septchième paîsson r'plyique et raisonne:
eune maîsonnée d'pliaintes à haler en rade.

Toute la pouque sent à paîsson. J'sis r'greffé
du fraid - au rouoge bé et ès dents d'véthot,
apitchi au d'sans. Eune raie à didget
dgêpe et pique mes dgéthets. J'sis r'pitchi ho-

-l'bord d'shonothabliément dans la fraide mé...
Êcliaque! L'èrsîn n'a pus d'raison: i' digue,
dêlague, embougue raîque pouor saûsser trente-sept
fais en avalrague, à boête-hooks et tigues.

Lé pêtcheux veurt qué les louêmes explyiquent où'est qu'-
-il' ont abantchi la cliouque tch'înfecte. Puèque!

Geraint Jennings
 

(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)

 

Viyiz étout:

 

Les Pages Jèrriaises