|
L'èrêcrithie des rînmes, l'èr'rêv'thie des blius chours; les soudards r'montent la garde à la consacréthie d'êvêques èr'rêvilyis, engibâtrés d'atours. L'archêvêque ridelé prêche: les ouâles halent à raidi la corde lé tout du co d'l'assâsîn sus l'êcran. Lé meurtre fut honoraithe - fis d'âme n'en gângne un sou. Ch'est raîque pouor faithe du fanne: eune haûlîngue qu'nou vait d'bran, eune bûsoqu'thie d'justice - lé pouais tch'est l'adgève-tout. Lé meurdron craît en d'ssous des pendus à la frouque, lus têtes adens flieuthies. Lé dêmontage d'gibets par les soudards plieuthants, en médales, chaînes et bliouques, veindra accompangni d'lamentâtions rînmées, et si tout coumme ch'est triste dé vaie d's exétchutions, au mains nou-s'a l'pliaîthi d'èrouï un bouôn sèrmon. Geraint Jennings |
(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)
Viyiz étout: