Les Pages Jèrriaises

À la bouonne heuthe! Nou n'vait ni pé ni p'lo

À la bouonne heuthe! Nou n'vait ni pé ni p'lo;
nou n'liet pon même un mot dans tchique roman
ni dans un glossaithe tchi pèse un kilo.
Au run d'encre nou-s'êcrit atout du sang
d'navet. Mêfi'-ous! Nou s'est êteurt la g'vil'ye
par cause d'la drisse des belles patholes couêffies.
L'èrtûnfîn d'sang êtoup'tha nos nâsil'yes.
La plieunme grînme lé papi en un baîsi.
Nou n'comprend fistuthe dans chu griffouoillîn.
L'èrniflieux d'êcrithie n'pèse pon eune plieunme;
Lé dictionnaithe êpithouoté n'dit brîn.
Les lettres lus êtrueûlent ès fielles dé voleunmes
d'articl'yes et d'atonmies picotées d'flieurs.
Assa, sans g'vil'ye, n'y'a autchun bord à tcheûrre.

Geraint Jennings

 

(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)

 

Viyiz étout:

 

Les Pages Jèrriaises