Les Pages Jèrriaises

Eune craque du pônchet fait pathaît' l'ouothou

Eune craque du pônchet fait pathaît' l'ouothou;
eune caûque du plionmi dêfouit l'consultant;
la bâfréthie d'frits êcrîl'ye sus du v'lous
sans dithe autcheune chose entouor l'tchian dé d'vant.
La plionm'thie d'nez et ouïes êputhe les d'vièrs.
Nou-s'a à bêtchi bein avant au run,
faîthant eune consultâtion à la dgèrre.
Nou happ'tha les pônchets atout du gliun.
L'ouothou s'y'adonne auve châque craque du pônchet;
lé consultant m'suthe châque caûque au plionmi.
Èrtchilyi l'nez auve les dgéthets r'troussés
fait la fache laie. La cheinne d'eune êffigie
souôrit, nou dithait bûchie par eune craque.
Et les frits v'loûsés êcrîl'yent et êcliaquent.

Geraint Jennings

 

(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)


 

Viyiz étout:

 

Les Pages Jèrriaises