Les Pages Jèrriaises

Nou file des allouongnes par les c'mîns

Nou file des allouongnes par les c'mîns;
l'hèrbe ès tchilieuvres mé cliute au dos;
jé m'sens êtchoeuthé et fliuîn;
j'vai l'filîn et l'fliottîn ès clios.

Graine dé navette! Tout chein qué j'vai -
à un fi près, d'l'èrcordéthie;
la marmâle mé frangue dé fliancouais:
ch'est dans chu clios qué j'sis fitchi.

Né v'là l's avièrs tchi couothent ava,
chèrchi d'aut' paîssaison qu'chette-chîn;
un tchoeu d'tigre à suffâtchi l'ma.
Nou file des allouongnes par les c'mîns.

Geraint Jennings

(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)

 

Viyiz étout:

 

Les Pages Jèrriaises