Les Pages Jèrriaises

Èrplianne la métalleurgie à courts traits

Èrplianne la métalleurgie à courts traits:
la tchéthue à brîsi affaîte dé l'or.
La protchule du pâlîn r'lit dans la graie;
les cliochettes au colyi cârillonnent fort.
Tu paie brétiche pouor amortaîsi l'clios
à coue d'héthonde. Lé j'va êbrit'ta l'ma.
L'plian d'la touônn'nie f'tha sonner les grélots.
Ch'est en or et argent qu'tu féthe tan j'va,
et v'là tchi t'couôte en méta bein précieux,
forgi dans les feurs trélûthants d'la Leune,
endueurchi dans la tchéthueûthie d'tan tchoeu.
Ch'est quand l'fé d'ta tchéthue croch'te à la greune
qué tout - l'or, lé pâlîn, et l'argent - fond
d'un trait. Tu ouïthas russ'ler l'cârillon.

Geraint Jennings

 

(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)

 

Viyiz étout:

 

Les Pages Jèrriaises