|
Dgieu sauve lé Rouai, not' Duc! Lé j'va d'câgnon lié au court batchu s'pathanne et s'protchuthe des médales et eune ouaîth'lée d'courts boutons, d'aigl'yes, d'autruches et d'jaûnouais. Des couittes et huthes dé tchian, crîngnes dé lion, ouothelles dé lapîn dans les môtres du monarque cârrent la couronne - et dans la siette: des sèrt-à-rein, du c'nîn, exceptionnellement d's empliâtres tch'y goguesonnent, des badlagoules, des èrgots d'cour en gants, des parmafévéthes à néthe coue, des cats tch'èrgardéthaient bein un êvêque. À man tou j'les ai sieu - l'rînmeux au gouvèrnas. Les lionnes hueûlent, les trompettes sont à hîngni; v'là tchi n'sauv'tha rein - ch'est l'extèrminn'nie. Geraint Jennings
|
(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)
Viyiz étout: