|
Tan pèrrot piâle. D'sêpîle ses plieunmes et ta c'mînsole. Ch'est dé t'tâner et t'catinner. Jé s'sai la pinne dé ta sétheûthe, tan mar- -rté à lipper, lé boulais d'tan baté, tan sapîn d'chuchot'ties à la rôsinne tchi brâle les êpîles, les ongl'yes et les nèrs... La jouôte dé ta catte f'tha miaûner ma ouinn- -ette et jé s'sai d'savantagi, d'travèrs, au pilôsi: la pèrte dé l'ouognonnette rêmoûqu'tha la piâl'lie d'tan maigre pèrrot. La pèrte dé ses plieunmes martèle et j'èrgrette ma nèrveûth'té, ni à ji ni à jo. Mais êtrueûle-té, ma pliaque: chu mat'nas ronne... la vèrgue dé mîsaine a l'vent... qué j't'hèrponne. Geraint Jennings |
(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)
Viyiz étout: