|
Lé travailleux d'caûchie s'dêmanniscorde et chèrge toute eune gabâthée d'ches cont'neurs. Les rats et rates valsent; la vèrminne dêborde, eune cottée d'souothis et d'saleté. Nou veurt dêgouôsilyi et s'sîlyi liain du bel. La cont'neurîsâtion pousse lé conmèrce sus l'marchi du monde tchi nos embourbèle. Les marchièrs sont accordés s'lon tchique èrse întellectuelle. J'fliandrons sus l'pavé, pliaichant nos pids parmi les rates et rats. J'viyons la chèrgéthie dé cont'neurées d'tchoeurs dé vèrminne cont'nus dans nos pétras. La piâl'lie d'rats et d'rates n'nos gêne pon trop: tout l'conmèrce s'sa bétôt souos les mèrgots.
|
(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)
Viyiz étout: