|
Man rêve est eune slache en avant duthant la niet, eune mèrque en myi d'dormi au mitan d'un long nage, et coumme eune taupe jé fais des ranniéthes excitées. Hièr dispathaît dans l'ôsaine dé driéthe, qué j'âge en craûlant bragi souos l'ronfliément d'eune topie. Ravi d'mes rêves saûssés, j'dormithai à quat' pattes; man chèrvé êglièrvi d'êmânues et d'dithie, dé haricots bouoillies dans d'la sauce dé tonmates. Au run d'slachi et d'égdachi j'dors coumme eune taupe. L'êtchuivée d'lédgeunmes dans man chèrvé codpîse dû les haricots ès tonmates pus êpais qu'd'la viope, les louêmes enhèrmélées dé taupes et d'êmânues. J'sis mèrtchi atout des tchestchions tout en dormant; duthant la niet man rêve est eune slache en avant.
|
(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)
Viyiz étout: