Est-che au Roveur qui t'chasse tchiquefais
Amont not' vier paithi
Et chaque la coue et ouasse dé jouaie
Dé d'vaie tchaie dans l'vivi?

J'crai pas qu' il fait par mauvaîstchi,
I' n'est qu'un mio jaloux;
Et ch'tait rein qu'pour 'té picangni
Qu'i' t'happit par la coue.

Est-che à eune bouonne grand' bollée d'lait
Ou eune pliatelée d'bainis,
Un bieau mouosson, un gros poulet
Ou à eune pouorre souothis?

Rêve bein, car quand tu'en s'sas à but,
Tu t'en vas t'rêvilyi
Et trouver tan souper perdu -
Lé Roveur l'a mangi!

S. J. B.