Les Pages Jèrriaises

L'astrologie et les crianches

 

un r'vénant

Temps pâssé, nou soulait aver peux des chorchièrs et des chorchiéthes, et y'a un tas d'crianches et histouaithes qu'les anciens nos ont laîssi. Si eune vaque n'nos donnait pus d'lait, ch'tait d'la chorchell'lie! S'i' faîsait mauvais temps, ch'tait d'la chorchell'lie! S'nou-s'avait mauvaise forteune, ch'tait d'la chorchell'lie!

Mais, avant l's hôpitchieaux, les docteurs et la méd'cinne modèrne, quand i' nos faîsait ma, j'allînmes siez l'dêcompteux ou l'dgéthisseux pouor s'èrdgéthi.

Avant l'învention d'l'êlectricité et l'întroduction des veues par les c'mîns, nou soulait aver peux d'marchi la niet. Y'avait des blianches femmes et des r'vénants et des monstres par les c'mîns!

Si ch'est qu'ou voulez en saver pus, j'avons tchiques histouaithes et articl'yes entouor tout chennechîn sus ches pages.

Et s'ous voulez liéthe chein qu'nos auteurs Jèrriais ont êcrit entouor les crianches en Jèrri, né v'chîn du vocabulaithe pouor vos aîdgi:

 

lé Dgiâbl'ye

 

Jèrriais

Angliais

   

craithe

to believe

eune crianche

a belief

eune dîs'resse

a fortune teller

un d'vîn

a fortune teller

eune prédiction

a prediction

eune supèrstition

a superstition

la destinné

fate

supèrstitieux

superstitious

un avèrti

an omen

un dêcompteux

a faith healer

lé scîn

knowledge of the occult

lé sort

fate

lé zodiaque

zodiac

l's êtailes

the stars

d'senchorchéler

to exorcise

un d'senchorchéleux

an exorcist

eune ponserêsse

a nightmare

lé mauvais yi

the evil eye

les p'tits faît'tchieaux

the little people, fairies

un faîté

an elf, goblin

un lutîn

a goblin

un goub'lîn

a goblin

eune fée

a fairy

Pièrre Pouque

Puck

lé dgiâbl'ye clyiquez pouor ouï les mots

the devil

lé Nic

the devil

lé Pid-fourtchu

the devil

lé Malîn

the evil one

un dgiâbliotîn

an imp, little devil

l'ouotho

playful spirit, werewolf

un monstre

a monster

un divèrs

a monster

un dêmon

a demon

lé tchico

black dog of death

la cocangne

well-spirit

la vioge

evil spirit

lé barbou

the bogeyman

lé bélengi

will o' the wisp

lé croque-mitaine

the bogeyman

un r'vénant

a ghost

eune êmânue

a ghost

eune maîson hantée

a haunted house

eune maîson vîsionnée

a haunted house

hanter

to haunt

enfaûtômé

haunted

la blianche danme

"white lady" - type of apparition

la blianche femme clyiquez pouor ouï les mots

"white lady" - type of apparition

eune êpitafl'ye

ghost

la vîsion

ghost

lé fantôme

ghost

entchéthaûder

to bewitch, hypnotise

enchorchéler

to bewitch

eune chorchiéthe clyiquez pouor ouï les mots

witch

la magie

magic

la néthe méthe clyiquez pouor ouï les mots

head of a coven

la chorchell'lie

witchcraft

lé p'tit Albèrt

an abridged grimoire

lé p'tit-mêle

an abridged grimoire

lé sabbat

witches' sabbath

un charme

a spell

un chorchéthon

a spell, or ingredient for a spell

un chorchi clyiquez pouor ouï les mots

wizard

un chorchillon

a wizard's child

l'enchorchell'lie

sorcery

les gens du grand sang

people from witch families

les gens du Vendrédi

witches

les livres d'magique

books of magic

les mauvais livres

books of magic

un enchorchéleux

sorceror

un tchéthaûd

white wizard

j'ter un sort

cast a spell

envyer un sort

cast a spell

envyer des pouèrs

curse (send lice)

lé grand Albèrt

a grimoire

lé grand-mêle

a grimoire

jouer un tou

cast a spell

rompre un sort

break a spell

empouèrchi

curse (infest with lice)

 

Eune êtaile

 

Châque jour y'a des gens tchi liêsent lus horoscopes dans les gâzettes. Tchiqu's'uns les liêsent pouor lé fanne, et tchiqu's'uns y craient absolûment.

Y'a douze sîngnes dans l'zodiaque:

 

Aries

Lé B'lîn

Taurus

Lé Touauthé

Gemini

Les Jeunmieaux

Cancer

La Crabe

Leo

Lé Lion

Virgo

La Vièrge

Libra

La Balanche

Scorpio

Lé Scorpion

Sagittarius

Lé Sagittaithe

Capricorn

Lé Capricône

Aquarius

Lé Vèrseux

Pisces

Les Paîssons

 

Tch'est qu'est vot' sîngne? Ou pouvez trouver vot' sîngne auve lé caltchuleux d'sîngne du zodiaque.

Ou pouvez liéthe les caractéthes des difféthents sîngnes en Jèrriais.

 

Eune êtaile

 

Viyiz étout:

 

lé Dgiâbl'ye
 

Les Pages Jèrriaises