Les sîngnes du zodiaque
Virgo
La Vièrge
lé vîngt-quatrième d'Août au vîngt-traîsième d'Septembre
|
Lé jour chanceux: |
Mêcrédi |
|
Les neunméthos chanceurs: |
chînq et trais |
|
La pièrre d'naîssance: |
lé saphir |
|
La couleu: |
bliu et gris |
|
Les dangièrs: |
la colèthe et la critique |
Les vièrges sont résèrvées, modestes, pratiques, analytiques. I' veulent saver tout et comprendre tout, et i' travâlent dû.
I' sembl'yent calmes et trantchilles mais à l'întérieur i' n'peuvent pon s'èrposer: i' veulent tréjous faithe tchique chose, amender tchique chose, èrgraie tchique chose. I' veulent accomplyi et pèrfectionner. I' sont organisées. I' n'rêvent pon: i' l'font.
Les vièrges daivent tréjous saver s'i y'a un profit ou eune pèrte. I' tâchent tréjous d'rester dans lus budget et n'aiment pon payi trop chi. I' sont hardi bouannes à caltchuler et à trouver des rêsolutions pouor des disputes. Mais parfais ches rêsolutions sont trop complyitchies: les vièrges font d'eune môque un êléphant. Né v'là lus spécialité.
Il' aiment les dêtails, mais i' l's aiment trop, et i' n'peuvent pon tréjous vaie l'înmage pus grande.
Les vièrges ont eune mémouaithe excellente.
I' s'otchupent d'lus santé. I' prannent des vitamînnes et i' visîtent lé docteu souvent, même s'i' n'y'a vrainment rein et i' visîtent lé dentiste bein redguliéthement étout.
Lé système des nerfs et les bouoyaux sont souos l'sîngne d'la Vièrge. Les vièrges sont parfais afflyigies d'ulcéthes.