Les sîngnes du zodiaque
Scorpio
Lé Scorpion
lé vîngt-quatrième d'Octobre au vîngt-deuxième d'Novembre
|
Lé jour chanceux: |
Mardi |
|
Les neunméthos chanceurs: |
deux et quat' |
|
La pièrre d'naîssance: |
la topaze |
|
La couleu: |
rouoge et pourpre |
|
Les dangièrs: |
la coléthe et la violence |
Les scorpions sont achéthinnés, êmutionnés, întenses et têtouongnes. Il' ont eune grande înmaginâtion, et sont d's idéalistes étout.
Lé Sorpion est l'sîngne d's extrêmes, et les cheins nés souos chu sîngne peuvent montrer l's extrêmes d'la natuthe humaine - lé miyeu et lé piéthe.
L'întensité et l'magnétisme sont les cliés d'la pèrsonnalité des scorpions. Il' ont hardi d'forche tch'est cachie dans les profondeurs d'lus esprits. I' peuvent semblier coumme eune montangne dé gliaiche: g'lés à l'extérieur, mais capabl'yes dé dêtruithe un grand navithe.
Les scorpions sont philosophes, et s'întéthessent à l'èrligion et au scîn. I' connaîssent les s'grets d'la vie et les mystéthes d'l'unnivèrs. Les scorpions sont souvent des docteurs, chireurgiens, scientistes, minnistres, prêtres.
Les scorpions chèrchent à saver chein qu'i' y'a driéthe les choses appathentes. Il' êtudient, il' apprennent les langues, i' liêsent et i' r'chèrchent.
Les scorpions changent dé tempéthament tout d'un coup, sans modéthâtion. Il est tréjous un cas dé tout ou rein auve les scorpions.
Les scorpions ont eune mémouaithe d'êléphant: i' n'pardonnent janmais eune înjuthe et i' n'oublient janmais un faveur. Les scorpions font d's enn'mîns dangéreurs, car i' s'vengent auve subtilité et d'eune maniéthe bliessante.
Les scorpions peuvent s'adapter ès nouvelles situâtions et ès nouvieaux mêtchièrs. Confrontés auve un d'sastre, i' peuvent produithe un succès.
Les scorpions peuvent êt' hardi génétheurs et louoyaux, et aiment aîdgi ès aut's.
Les parties sont souos l'sîngne du Scorpion. Les scorpions peuvent êt' afflyigies par la fatigue et daivent s'garder des sales maladies.