|
Mousieu qu'avaits aicrit des vers Sus la gazette de Césarais, Dam, ou vouos fzais r'gardé d'travers Par qui qu'un d'nos Saintaubinais. Ou dite que yiun a yeu ses ch'vos Et ses volailles enchorchellêts, Oh, quouz en faites un bieau nigos, Et l'y mettais une brid sus l'nêts. Ola mousieu, sunn cryaits pon A chez chorchiers ni quézos. Pour me quand jétais p'tit garson J'les cryais tréjous sus men dos: Et ben, quan jy crezais encouéze Jeun sezais pas tout seu; et ben, Avous pon oui chutt vielle histoize Quiss dit.. quiss dit.. de.. de.. ain.. ain? Oh vrain ment jenn men rappel pon Mais d'mandêts ly quant ou voudrêts, Y vouos diza que sen couchon Et sen ch'va sont enchorchellêts: Et quan y fut vais chutt hardelle, Y dit quour chu un co d'couté, Que chen fut pas drièze louozeille Mais a quiq' bord lien du muzé. Enfin, tandi qui ly t'nai l'bras La pouore hardelle étoit pinchie Par des chorchièrs quin viyait pas, Qui faisaient chenna par magie. Me qui sie pouore Saintaubinais, Quai tréjous yeu lesprit pezant, Je vouos asseuze que jy cryais D'vant davé llieu vouos vers charmants, Mais vraiment, y mont converti Ach teu jenn crai pus és chorchiers Et jen sie tout a fait guézi Dépis que j'ai llieu vouos bieaux vers. Mais comm iss pouozai rencontrai Que quiq qun med'manddai pour vous Dite oueq'nou pouozai vouos trouvai? Les r'miaides qu'ouz offzaits sont si dous, Que je me fais ceux et certain Que pus dunn hardell' des demain Couoza partout d'mandé pour vous. La Gazette de Césarée 28/11/1812 |
Viyiz étout: