 Lé dgiâbl'ye modèrne au Creux du Vis
|
L'Dgiâbl'ye a des pids en chabots fourtchis comme les pids d'eune vaque, eune longue coue atout un didget barbelé au but, des cornes sus l'haut d'la tête comme un bichot, un visage comme un bichot étout, et san corps est couvèrt dé pé comme eune biche. Lé Creux du Vis à Ste. Mathie est autrément connu coumme lé Creux au Dgiâbl'ye (en Angliais: the Devil's Hole), et nou peut vaie eune grande statue du dgiâbl'ye au mitan dg'ieune mathe à haut du c'mîn tchi mène au Creux. La statue qu'est en pliaiche ach'teu est modèrne. |
|
Lé dgiâbl'ye originna au Creux du Vis fut stchulpté par Jean Giffard, lé grand'péthe à George d'la Forge, en 1851 et s'trouvait au Creux du Vis pouor bein d's années. I' 'tait en bouais, mais san rempliaichement est en méta. Lé dgiâbl'ye en bouais fut dêtruit duthant l's années chînquante du vîngtchième siècl'ye. Les gens soulaient aver peux du Malîn Esprit, et criyaient qu'i' 'tait tréjous là à les m'ner dans la tentâtion. Y'avait étout eune racachie dé p'tits démons et dgiâbliotîns tchi lî aîdgaient dans san travas înfèrnal. Les chorchièrs et les chorchiéthes 'taient supposés étout d'sèrvi lus Maître, en faîsant lé Ma ès gens. |
 L'vièr dgiâbl'ye au Creux du Vis |
|
Jèrriais |
Angliais |
|
lé Dgiâbl'ye |
Devil |
|
Satan |
Satan |
|
lé Pid-froutchi |
Devil |
|
Moussieu Pid-froutchi |
Devil |
|
lé Mauvais |
Devil |
|
lé Malîn |
Devil |
|
l'vièr Nic |
Old Nick |
|
lé Forteune |
Devil |
|
San Maître |
Devil |
|
l'Îndîngne |
Devil |
|
lé Démon |
demon |
|
un dgiâbliotîn |
imp |
|
tchi dgiâbl'ye! |
what the devil! |
|
arriéthe dé moué, Satan! |
get thee behind me, Satan! |
|
la frégate au Dgiâbl'ye |
the Devil's frigate (the ship that was supposed to carry away naughty children) |
|
...et l'dgiâbl'ye et sa méthe |
...old Uncle Tom Cobbleigh and all |
|
i' vente la pé du dgiâbl'ye |
it's blowing a gale |
|
ch'est Satan tchi s'fait mouaine |
a wolf in sheep's clothing |
|
des p'tits démons dans des pieaux d'brébis |
wolves in sheep's clothing |
|
Pouortchi vouler râser l'dgiâbl'ye s'i'n'a pon d'barbe? |
If it ain't broke, don't fix it |
|
l'Enfé |
Hell |