Après l'invasion du Châté dé Mont Orgueil et des pâraisses dé l'Est en mil quat' chent soixante par les Français, i' n' pûtent janmais otchuper les siex pâraisses dé l'ouest à cause du couothage féroce du gris-ventre, lé Seigneur dé St Ouen, Philippe dé Carteret et ses braves hommes dé combat. Ch'est comme chenna qué lé Sieur dé Carteret se trouvit un objet dé rétribution.
Un biau jour quand i' 'tait à la pêque dans la Mare au Seigneur, i' ouit lé son des chabots d'la Caval'lie française qui pensait dé li arriver sus l'co et dé l'prendre prisonnyi. Mais, malin comme i' 'tait, i' montit en hâte sus son nier êtalon et s'en fut au galop envers lé Mangni.
I' n'avait pas 'té bein liain quand eune aut' bande dé Français copitent lé c'min en d'vain d'li. Ch'est pour tchi, i' touonni san j'va envers un vallon tchi s'appelle 'Lé Val dé la Charrière' et i' 'tait si prêssi qué pas seulement lé brit des chabots dé san j'va né pouvait nier les heurles des siens qui lé poursuivaient sans ralenti. Triomphants, i' lus en vintent envers li, lé solé èrlisant sus lus sabres.
I' criyaient 'Rend-ous! Rend-ous!' Mais Philippe dé Carteret, dgèrri et politicien, préférait la mort à la captivité.
Drait en d'vant d'li, i' y avait entre cranne vingt-deux pids d'laize et dgieux-huit pids profonde. A son c'mmandement, sait j'va sauti avec toute sa forche et les deux lus trouvîtent de l'autre côté, laissant les Français acouo eune fais vaintchus et hors d'esprit.
La victouaithe; mais à tchi prix? Auve tout ch't êffort la, la pouorre bête, arrivée au Mangni, tchi morte souos san maître et lé Seigneur, tout engroutté arrangi d'aver san bel êtalon enterré dans l'gardin dé la Seigneurie.
Viyiz étout: