Mêfi'-ous d'la vioge! Ch'est un tèrribl'ye monstre tchi mange les gens.
Y'avait eune hardelle tchi restit trop longtemps siez san janne homme. Quand ou l'tchittit pouor r'aller siez lyi, tout 'tait nièr. Oulle avait peux d'la vioge.
Ou c'menchit à marchi par les c'mîns.
Mais ou ouït tchiquechose driéthe lyi. Ou s'arrêtit et êcoutit - un pas!
IEUNE
Ou c'menchit à marchi pus vite.
Mais ou ouït tchiquechose driéthe lyi. Ou s'arrêtit et êcoutit - deux pas!
IEUNE, DEUX
Ou c'menchit à marchi pus vite.
Mais ou ouït tchiquechose driéthe lyi. Ou s'arrêtit et êcoutit - trais pas!
IEUNE, DEUX, TRAIS
Ou c'menchit à marchi pus vite.
Mais ou ouït tchiquechose driéthe lyi. Ou s'arrêtit et êcoutit - quat' pas!
IEUNE, DEUX, TRAIS, QUAT'
Ou c'menchit à marchi pus vite.
Mais ou ouït tchiquechose driéthe lyi. Ou s'arrêtit et êcoutit - chîn pas!
IEUNE, DEUX, TRAIS, QUAT', CHÎN
Ou c'menchit à marchi pus vite.
Mais ou ouït tchiquechose driéthe lyi. Ou s'arrêtit et êcoutit - siêx pas!
IEUNE, DEUX, TRAIS, QUAT', CHÎN, SIX
Ou c'menchit à marchi pus vite.
Mais ou ouït tchiquechose driéthe lyi. Ou s'arrêtit et êcoutit - sept pas!
IEUNE, DEUX, TRAIS, QUAT', CHÎN, SIX, SEPT
Ou c'menchit à marchi pus vite.
Mais ou ouït tchiquechose driéthe lyi. Ou s'arrêtit et êcoutit - huit pas!
IEUNE, DEUX, TRAIS, QUAT', CHÎN, SIX, SEPT, HUIT
Ou c'menchit à marchi pus vite.
Mais ou ouït tchiquechose driéthe lyi. Ou s'arrêtit et êcoutit - neu pas!
IEUNE, DEUX, TRAIS, QUAT', CHÎN, SIX, SEPT, HUIT, NEU
Ou c'menchit à marchi pus vite.
Mais ou ouït tchiquechose driéthe lyi. Ou s'arrêtit et êcoutit - dgiêx pas!
IEUNE, DEUX, TRAIS, QUAT', CHÎN, SIX, SEPT, HUIT, NEU, DGIX
Et la vioge la mangit!
Viyiz étout: