Les sîngnes du zodiaque
Leo
Lé Lion
lé vîngt-quatrième d'Juilet au vîngt-traîsième d'Août
|
Lé jour chanceux: |
Dînmanche |
|
Les neunméthos chanceurs: |
huit et neu |
|
La pièrre d'naîssance: |
les rubîs |
|
La couleu: |
or et orange |
|
Les dangièrs: |
la provocâtion à la violence |
Les lions sont enthousiastes, piêssants, génétheurs et ont d's opinnions fixes.
Touos les lions possèdent un rouoyaume. Chu rouoyaume peut êt' grand ou p'tit: la maîson, eune compangnie, un mathiage ou un mêtchi. En tout cas, lé lion dait règner sus san rouoyaume.
Les lions aiment contrôler la situation dans latchelle i's'trouvent. Il'ont un bouan sens d'heunmeu et peuvent pâler auve hardi d'confianche.
Les lions aiment donner des parties, auve fanne, musique et convèrsation. Il' aiment divèrti les gens et il' aiment êt' applaudis.
Il' aiment la fliatt'tie et les compl'yiments, et i' sont divèrsément haûtains.
Dans les affaithes, i' daivent c'mander et i' sont ambitieurs. Mais l'aut' côté d'la vie des lions, ch'est qu'i' peuvent êt' pièrcheurs: dormi trantchillement au solé.
Il' aiment lé luxe. Même si eune lionne n'a pratiquement pon d'sou, oulle s'en va acater un nouvieau fro, et même si un lion mâle est à court dé sou, i' s'en va résèrver des pliaiches ès miyeurs restaurants. Il' aiment dêpenser lus sou.
Lé dos et l'tchoeu sont souos l'sîngne du Lion. Les lions ont souvent mal au dos. Né v'là pouortchi i' n'aiment pon travailli trop!