J'allînmes, eune journée, à la mênag'gie
Par eune sente touônnant entre les grils et cages,
Dé p'tits gazons parmi dé p'tites bouaîs'sies
Plieinnes d'annimaux tchi rôdait l'vaîsinnage,
Quand ma grand'méthe fut happée par eune ourse.
Ou rouôlait sus l'hèrbe dans les bras d'la bête;
L's oursîns sauticottait à lus côtés.
J'nos arrêtînmes là à r'garder la siette:
La pouôrre vielle 'tait patchie dans la néthe pé,
Ou souôriait souos les grandes pattes dé l'ourse.
Manman 'tait surprînse. Fut-alle en dangi?
Les mâchouaithes d'la bête ouvraient et freunmaient.
Néthes contre la vèrte hèrbe d'la mênag'gie,
L'annima et la vielle femme sembliaient jouer:
Ch'tait ma grand'méthe tch'avait happé eune ourse.
Geraint Jennings
Janvyi 2000
|
