Êcoute-mé, Seigneu, et rêponds-mé, viyant qué j'sis pauvre et au d'sans. Protège ma vie, car j'sis fidèle à té, sauve tan sèrvant tchi s'fyie à té. Tu'es man Dgieu; ai pitchi d'mé, Seigneu, car j't'appelle tout l'long du jour. Apporte dé la jouaie à tan sèrvant, Seigneu, car jé m'fyie à té. Té, Dgieu, tu pardonne et tu'es bouôn, remplyi d'amour pouor touos les cheins tchi t'appellent. Êcoute ma priéthe, Seigneu; êcoute man brai pouor la pitchi. Quand j'sis en dêtresse, j't'appelle, par cause qué tu m'rêponds. Parmi les dgieux i' n'y'a autchun coumme té, Seigneu; autchun fait n'peut pon s'compather auve les tcheins. Toutes les nâtions qué tu'as grée veindront et louang'geont l'avant à té, Seigneu; il' apportéthont d'la glouaithe à tan nom. Car tu'es grand et fai des faits mèrveilleurs; té a tan tout seu tu'es l'Bouôn Dgieu. Ensîngne-mé tan c'mîn, Seigneu, qué j'piêsse mé fier à ta fidélité; fai man tchoeu entchi qu'j'aie peux d'tan nom. Jé t'louang'geai, Seigneu man Dgieu, atout tout man tchoeu; j'glorifiéthai tan nom à janmais. Ch'est en tchi t'n amour est grand envèrs mé; tu m'as d'livré d'avanteurs, du rouoyaume des morts. D's enn'mîns hautains sont à m'attatchi, oh Dgieu; des gens violents sont pouor mé tuer - i' n'ont pon d'êgard pouor té. Mais té, Seigneu, tu'es un Dgieu compatissant et grâcieux, tchi s'mârrit douochement, tch'abonde en amour et fidélité. Touônne-té â mé et ai pitchi d'mé; mouontre ta forche au nom d'tan sèrvant; sauve-mé, par cause qué j'té sèrs dé même qué ma méthe lé fit. Bâle-mé un sîngne dé ta bouonté, qu'mes enn'mîns piêssent lé vaie et saient d'sahontés, car té, Seigneu, tu m'as aîdgi et conforté.
Viyiz étout: