Lé Bouôn Dgieu préside dans la grande assembliée, i' juge au mitan des dgieux: "Combein longtemps qu'ou jug'giz auve la mauvaîtchi et préféth'thez les malîns? Rendez justice au faibl'ye et à l'orphélîn, faites drouait au pouôrre et au malheutheux. Sauvez l'faibl'ye et l'dgeux; d'livrez-les d'la main du malîn. Les dgieux n'savent rein, i' comprannent rein. I' marchent dans la nièrcheu; toutes les fondâtions d'la tèrre sont châtchies. J'dis, 'Ous êtes des dgieux; ous êtes touos des fis du Pus Haut.' Mais ou mouôrrez coumme des sîmpl'yes mortels; ou tchèrrez coumme n'împorte tchi gouvèrneux."
Lève-té, oh Dgieu, juge la tèrre, car toutes les nâtions sont tén héthitage!
Viyiz étout: