Qu'lé Seigneu t'êcoute quand tu'es en dêtresse, qué l'nom du Dgieu d'Jâcob té protège! Qu'i' t'envyie d'l'aîgue du sanctuaithe, qu'i' t'souôtcheinge dé Sion! Qu'i' s'souveinge dé touos tes sacrifices et accepte tes brûl'lies offèrtes! Qu'i' t'bâle chein qu'tan tchoeu d'sithe, et qu'il accomplyisse touos tes plians! J'nos rêjouithons d'tan salut, j'lèv'thons la banniéthe au nom d'not' Dgieu. Qu'lé Seigneu accorde toutes tes d'mandes.
J'sai dêjà qué l'Seigneu donne la victouaithe à s'n Onguenné. I' lî rêpond d'san sanctuaithe au ciel atout l'pouver gângnant d'sa main dêtre. Y'en a tchi lus fyient ès tchéthiots et d'aut' ès j'vaux, mais j'nos fions au nom du Seigneu not' Dgieu. Ieux i' sont forchi d'lus agenouoilli et i' tchaient; nous, j'nos l'vons et nos mâtons fèrme. Seigneu, sauve lé rouai! Rêpond-nous quand j'app'lons!
Viyiz étout: