O Dgieu not' Seigneu, tan nom est-i' glorieux partout l'monde!
Ta majesté est louangie pus haut qu'les cieux et ès bouoches ès p'tits mousses tchi tètent.
Tu'as fondé un fort contre tes enn'mîns, à seule fîn d'suffâtchi l'enn'mîn et l'vengeux.
Quand j'èrgarde tes cieux, la criâtion d'tes dés, la leune et l's êtailes qu'tu'as êtablyi, tch'est qu'i' sont don, les mortels, qu'tu les souongne, raîque les gens, qu'tu t'en d'mente?
Tu les as grée un mio pus bas qu'les anges, et les couronne dé glouaithe et d'honneu.
Tu lus as bailli l'gouvèrnément d'chein qu'tu griyis atout tes mains, et a êtrav'lé tout souos lus pids:
touos les brébis et l'bestchias, et les bêtes sauvages ès clios étout,
l'ouaîth'lîn d'l'air, les paîssons d'la mé et tout chein tchi fait san c'mîn dans la mé.
O Dgieu not' Seigneu, tan nom est-i' glorieux partout l'monde!
Viyiz étout: