Combein longtemps, oh Seigneu? M'oubliéthas-tu en tout? Combein longtemps qu'tu t'much'chas la fache dé mé? Combein longtemps qu'j'éthais à porter la trisresse dans m'n âme, lé deu dans man tchoeu jour auprès jour? Combein longtemps qué m'n enn'mîn remportétha la victouaithe sus mé? Èrgarde-mé, rêponds-mé, Seigneu, man Dgieu! Êcliaithe mes ièrs pouor qué jé n'dorme pon dans la mort, qué m'n enn'mîn n'diche pon "j'ai gângni,", qu'mes enn'mîns n'lus rêjouissent pon à ma tchête. Jé m'fyie à ta fidelité. Donne-mé la jouaie au tchoeu qu'tu m'aîgue, qué j'piêsse chanter entouor lé Seigneu, "Not' Dgieu m'a-t-i' 'té bouôn!"
Viyiz étout: