Alléluia! Louange lé Seigneu, m'n âme. Jé louang'geai l'Seigneu toute ma vie; jé chant'tai des louanges à man Dgieu aussi longtemps qué j'vivthai. Né vos fyiez pon ès hauts jutchis, ès êt' humains tchi n'peuvent pon sauver. Quand lus esprit s'en va, i' lus r'touônnent à la tèrre; et chu jour même lus plians veinnent à rein. Heutheurs sont les cheins d'tchi l'aîgue est l'Dgieu d'Jâcob, dé tchi l'espé est dans l'Seigneu lus Dgieu. Il est l'Griyeux du ciel et d'la tèrre, dé la mé, et d'tout tch'est là-d'dans - i' reste fidèle à tout janmais. I' supporte la cause des mal-traités, et donna à mangi ès affanmés. Lé Seigneu libéthe les prisonnièrs, lé Seigneu fait l's aveugl'yes vaie, lé Seigneu souôlève les cheins tchi suffaquent, lé Seigneu aime les justes. Lé Seigneu vil'ye sus l'horsain et souôtcheint l'orphélîn et la veuve, mais i' renvèrque les c'mîns des malîns. Lé Seigneu règne à tout janmais, tan Dgieu, oh Sion, pouor toutes les généthâtions! Alléluia!
Viyiz étout: