Sauve-mé, oh Dgieu, atout tan nom, et justifyie-mé atout ta forche. Oh Dgieu, êcoute ma priéthe, èrchai les patholes dé ma bouoche. L's affrontés lus sont l'vés contre mé; les cheins sans pitchi en veulent dé ma vie; i' n'gardent pon l'Bouôn Dgieu l'avant à ieux. Mais l'Bouôn Dgieu, véthe, est m'n aîgue; lé Seigneu souôtcheint ma vie. I' r'paietha à m's enn'mîns à r'tou d'lus ma. Dans ta fidelité, dêtruis-les. J'té sacrifiêthai d'ma bouonne volanté; j'loûs'sai tan nom, oh Seigneu, pa'ce qu'il est bouôn. Ch'est en tchi i' m'a sauvé d'touos les desteurbés, et j'èrgarde atout d's ièrs triomphants sus m's enn'mîns
Viyiz étout: