Seigneu, né m'lichonne pon dans ta mârrisson ni m'disciplyinne dans t'n èrgolinne. Ai pitchi d'mé, Seigneu, car j'sis failli; èrdgéthis-mé, Seigneu, car mes os m'font ma. Mén âme est ès agouîns. Combein longtemps. Seigneu, combein longtemps? Èrtouônne-té, Séigneu, et d'livre-mé; sauve-mé par cause dé t'n amour tchi n'a pon d'fîn. Parmi les morts fis d'âme né procliâme tan nom. Tchi qui t'louange dé d'dans la fôsse? J'sis au d'sans par aver geint. Toute la niet j'êcliûthe man liet atout d'la plieuth'thie et mouôle ma filyie atout des lèrmes. Mes ièrs veinnent affouaiblyis par la tristesse; i' sont affouaiblyis par touos m's enn'mîns. Cârr'-ous d'mé, touos vous tchi font l'ma, ch'est en tchi l'Seigneu a ouï ma plieuth'thie. Lé Seigneu a ouï man brai pouor la mînséthicorde; lé Seigneu accepte ma priéthe. Touos m's enn'mîns s'sont achouêmis d'honte et d'dêpiet; i' r'brouss'sont c'mîn, d'un co d'sahontés.
Viyiz étout: