Chantez un nouvieau Cantique à l'Êtèrnel! Car il a fait des choses mèrveilleuses; sa main drouaite et san bras saint li-ont gangni la victouaithe. L'Êtèrnel a fait connaître san salut; il a fait vaie sa justice à toutes les nâtions. I' s'est r'souv'nu d'sa bonté envèrs la maîson d'Israël; touos les buts d'la tèrre ont veu la victouaithe de not' Dgieu. Vous, touos les gens du monde, appliaudissez l'Êtèrnel, chantez dé jouais! Chantez à l'Êtèrnel auve la harpe, auve la harpe et l'chant des cantiques! Auve les cornes et l'son des trompettes, faites la beinv'nue à l'Êtèrnel not' Rouai. Qué la mé ronne, auve tout ch'qu'ou contcheint; lé monde et touos ses habitants! Qué les riviéthes battent des mains, qué les montangnes chantent dé jouaie toutes ensembl'yes dévant l'Êtèrnel! Car i' veint pour jugi la tèrre; i' jug'ga tout l'monde sans favoriser, et les peupl'yes auve justice.
Viyiz étout: