Louangiz l'Seigneu! Chantez eune neu cânchon au Seigneu, qu'i' sait louangi dans l'assembliée des saints.
Rêjoui-té, Israël, dans tan Criateu! êfants d'Sion, séyiz heutheurs dans l'Rouai!
Louangiz san nom dans la dans'sie; chantez-lî des louanges acanté l'tabouothîn et la harpe!
Car l'Seigneu prend du pliaîsi dans san peupl'ye; i' couronne les pouôrres gens auve san salut.
Rêjouiss'-ous, saints, dans la glouaithe! Chantez d'jouaie d'vos lyits!
Les hautes louanges du Bouôn Dgieu sont dans lus bouoches, et un sâbre à deux affis dans lus mains
à seule fîn d'lus vengi contre les nâtions, et d'peunni l'peupl'ye,
d'lier lus rouais atout des chaînes, et lus gouvèrneurs atout des fièrs,
et d'pâsser sus ieux l'jugement tch'a 'té écrit, v'là tch'est l'honneu d'touos ses saints. Louangiz l'Seigneu!
Viyiz étout: