Sus l'saint mont la ville qu'il êtablyit est mâtée; l'Seigneu aime les us d'Sion pus qu'toutes les maîsons d'Jâcob. Nou-s'en dit des mèrvelles entouor té, oh ville du Bouôn Dgieu. Parmi les cheins tchi m'connaîssent jé nomme Rahab et Babylonne, et Philistie étout, et Tythe, auve l'Êthiopie - "Ch'tî-chîn fut né là-bas," qu'i' dithent. Et nou ditha entouor Sion, "Ch'tî-chîn et ch'tî-là y fûdrent nés"; viyant qu'lé Tout Piêssant l'êtablyitha. Lé Seigneu enr'gistre, s'lon san r'cord des peupl'yes, "Ch'tî-chîn fut né là-bas." Les chanteurs et les danseurs dithent ensembl'ye, "Touos mes dous sont en té."
Viyiz étout: